FITXA
Izena: Iker Pavon
Adina: 25 urte
Jaiotze-data: 1996/04/10
Jaioterria: Arrasate (Gipuzkoa)
Zenbat urte klubean: 14.urtea
Zenbat urte 1.taldean: 7.urtea
Postua: Hegaleko aurrelaria
TEST AZKARRA
Jokalari erreferentea: Carlos Vela
Janari gustukoena: Paella
Partidu aurretik entzuteko abesti bat: Makina lehertu arte (Des-Kontrol)
Taldekide izan duzun atezainik onena: Haritz Ezpeleta
Taldekide izan duzun atzelaririk onena: Danel Perez
Taldekide izan duzun erdilaririk onena: Mikel Aizpurua
Taldekide izan duzu aurrelaririk onena: Eneko Azpiazu
PREGUNTAS Iker Pavon
1Zeintzuk dira zure lehen oroitzapenak klubean?
Alebinetara heldu aurretik Atxabalpen egiten genituen
entrenamenduak izan ziren. Urte hartan taldea sortu genuen eta
hurrengo 3 urteetan Xabi Garcia "Xabilo" entrenatzaile zela izan
genituen 3 denboraldiak. Alebinetan zein infantiletan denboraldi
bikainak egin genituen Erreala, Antiguoko eta Sansererekin lehen
postuengatik borrokatuz. Ahaztuko ez ditugun denboraldiak.
2Harrobian izandako zein esperientzia edo denboraldik utzi dizu arrasto handiena?
Urte horietan egin genituen bidaiak. Infantiletan, lehen urtean,
Madrilera bidaiatu genuen Atletico de Madrilen aurka jokatzeko
eta hurrengo urtean Xixonera joan ginen Mareo futbol zelaian
Spontingen aurka jokatzera.
3Mondran noiz egin zenuen debuta?
Mondran 17 urte nituela egin nuen debuta, oraindik jubenila
nintzen eta lehen taldearekin partida batzuk jokatzeko aukera
izan nuen. Urte hartan taldea kategoriaz jeitsi zen, denboraldi
gogorra izan zen klubarentzat.
4Zein izan da klubean izandako oroitzapenik onena?
Mendeurrenean Errealaren aurka jokatu genuen partida,
harmailak beteta zeudela, Ohoezko mailari igo ginen urteko
partidak, UDAre aurka jokatutako derbietako giroak...asko dira
bizitako momentu onak.
5Eta zein izan da oroitzapenik txarrena?
Kadeteetan 2.urtean belauneko lesioagatik denboraldia galdu
nuen urtea. Urte horretan mailaz igotzea lortu zuen taldeak,
partidu guztiak gradatik ikusi behar izana... denboraldi gazi-gozoa
izan zen niretzat.
6Azken urteetan rol desberdinak burutu dituzu klubean (Jokalari, entrenatzaile, koordinatzaile…) eta rol bakoitzarekin nolako eboluzioa izan duzu pertsona bezala?
Oso ezberdina da modu batean edo bestean kluba defenditzeko
modua. Asko disfrutatu ditut hemen bizitako momentuetaz,
jokalari bezela zein harrobiko gazteen entrenatzaile bezala.
7Zer esan nahi du Mondrak zuretzako?
Futbolean bizi izan ditudan ia momentu guztiak bertan pasa
direnez, Mondra niretzat bizimodu edo familia bezala izendatuko
nuke. Bertan sortu nuen nire kuadrila, nire adiskidetasun
estuenak eta bizitza osorako izango ditudan bizipen politenak.
8Zuretzako zeintzuk dira Mondraren nortasunaren ezaugarri nagusiak?
Beti esan da Mondraren nortasuna TALDEA sortzeko gaitsauna
dela, momentu txarrenetan hauei aurre egiten dioena, taldea
koadrila bat izanda eta taldea ondo dabilen momentuetan are
hobeagoa dena.
9Zeintzuk dira zure ustez Mondrako jokalari batek izan beharko lituzkeen baloreak?
Taldea zein kluba errespetatzea, taldekide langilea eta laguna
izatea. Hauek dira Mondrako jokalariak izan beharko lituzkeen
balioak.
10Zer esango zenioke harrobian jokatzen duen jokalari bati?
Futbolak ematen dizkion momentuetaz gozatzea. Futbola zein
talde lana ilusioarekin bizitzea, taldekideekin biziko dituen
momentu horiek baitira etorkizunean gogora ekarriko dituenak.
