FITXA
Izena: Jokin Mujika
Adina: 28 urte
Jaiotze-data: 1993/09/15
Jaioterria: Arrasate (Gipuzkoa)
Zenbat urte klubean: 10.urtea
Zenbat urte 1.taldean: 10.urtea
Postua: Erdiko atzelaria eta erdilaria
TEST AZKARRA
Jokalari erreferentea: Iker Lopez
Janari gustukoena: Urdaiazpikoa
Partidu aurretik entzuteko abesti bat: Martin Larralde (Ruper Ordorika)
Taldekide izan duzun atezainik onena: Haritz Ezpeleta
Taldekide izan duzun atzelaririk onena: Julen Aranbarri
Taldekide izan duzun erdilaririk onena: Mikel Aizpurua
Taldekide izan duzu aurrelaririk onena: Iker Uribarren
GALDERAK Jokin Mujika
1Zeintzuk dira zure lehen oroitzapenak klubean?
Lehen oroitzapena, urteurrenean Errealaren aurka jokatu genuen
partidua da. 0-12 galdu genuen, baina lehen 20 minutuetan
0-0 eustea lortu genuen eta Iker Pavonek gola sartzeko aukera
garbia izan zuen. Ondoren, etorri ziren gol denak bata bestearen
atzetik.
2Nolakoa izan da prozesua klubean debuta egin zenuen egunetik?
Heldutasun edo garapen prozesu bat izan da. Heldu nintzenean
jubenil mailatik igaro berri nengoen eta gaur egun taldeko
beteranoetako bat naiz. Prozesu honetan zehar, gauza asko ikasi
ditut, batez ere partiduetan psikologikoki emozioak era egokian
kudeatzeko orduan.
3Mondrako zerk utzi dizu arrastoa zure egunerokoan edo izaeran?
Mondrak nire egunerokotasunean pisu handia dauka. Azken
finean, herriko futbol taldea da eta jende asko klubarengatik
arduratzen da astebururo. Hori kontagiatu egiten da.
4Zein izan da klubean izandako oroitzapenik onena?
Mikel Aizpuruak San Pedron faltaz sartu zuen gola. Igoerarako
gakoetako bat izan zen.
5Eta zein izan da oroitzapenik txarrena?
Iazko denboraldia, oso gorabeheratsua eta gogorra izan zelako
denondako.
6Nola gogoratzen duzu Ohorezko Erregional Mailara igoera lortu zuen taldea?
Egia esan, igo ginen denboraldiko gakoetako bat aldagelean
zegoen giroa izan zen. Egia da, maila oso altuko jokalariekin
osatutako lantaldea genuela (Gorka Eraña, Iker Uribarren,
Mikel Aizpurua...) baina beste gakoa giroa izan zen. Entrenatzera
joatea plazer bat zen eta zelaitik kanpo plan asko egiten genituen
batera.
7Zer esan nahi du Mondrak zuretzako?
Futbol talde bat baino askoz gehiago da, eta hala ulertu behar da.
20.000 biztanle inguruko herri baten taldea da eta klubeko eta
lehen taldeko partaide izatean zorte handia dudala sentitzen dut.
8Zuretzako zeintzuk dira Mondraren nortasunaren ezaugarriak?
Konpromezua, errespetua eta umiltasuna.
9Zeintzuk dira zure ustez Mondrako jokalari batek izan beharko lituzkeen baloreak?
Nik uste, Mondrako jokalari batek klubeko nortasunaren
ezaugarriak izan beharko lukeela.
10Zer esango zenioke harrobian jokatzen duen jokalari bati?
Harrobian jokatzen duen jokalari bati esango nion, ilusioz eta
pasioz bizitzeko Mondran igarotzen duen momentu oro. Kontziente
izateko harrobian jokatzeaz duen zorteaz, eta konstantzia eta
lanaz lehen taldera salto egitea gertuago izango duela.
